اسلام آباد۔30مئی (اے پی پی):وفاقی وزیر توانائی(پاور ڈویژن) سردار اویس احمد خان لغاری آکھیے توانائی دےشعبے اچ مزید اقدامات کریندے پیوں ، روشن پاکستان پروگرام دےتحت توانائی بحران دا خاتمہ ممکن تھیسی، لوڈشیڈنگ مکاوݨ سانڳے سارے ممکن اقدامات یقینی بݨیندے پیوں ،توانائی دے شعبے اچ مسئلے مکا تے عوام کوں سہولتاں ݙیسون۔ اے ڳالھ انہاں وزیر مملکت علی پرویز ملک دے رلے پریس کانفرنس اچ آکھی اے ۔ انہاں آکھیے صوبائی حکومتاں دی مدد نال توانائی شعبے اچ اصلاحات ناگزیرہن، بجلی چوری آلے علاقیں اچ ایکشن ڳھدا ویسی تے چور کرݨ آلیں دے خلاف سخت کاروائی کیتی ویسی ۔ اویس لغاری آکھیے انہاں آپݨے حلقہ انتخاب اچ بجلی چوری روکݨ سانڳے سخت اقدامات کیتے تے ڈیرہ غازی خان اچ بجلی چوری اچ ملوث لوکاں کوں گرفتار کیتا ڳئے ۔ خیبر پختونخواہ حکومت یقین ݙیوائے جو بجلی چوری گھٹاوݨ اچ مدد کریسی ایں سلسلے اچ انہاں نال ھک پروپوزل تیار کریندے پیوں ۔ وزیر توانائی آکھیے صارفین دی اووربلنگ متعلق شکایتاں دا ازالہ کیتا ویسی ۔ انہاں آکھیے ڈسکوز روزانہ بجلی دی طلب اتے رسد متعلق اعداد و شمار ݙسیسن جیں توں لوڈ شیڈنگ دے مسئلے تے قابو پاوݨ اچ مدد ملسی ۔ اویس لغاری آکھیے بجلی دی موجودہ طلب کل تئیں 25820 میگاواٹ ہئی جݙاں جو سسٹم کوں 21588 میگاواٹ بجلی ݙتی ڳئی، ایویں 4232 میگاواٹ دی لوڈشیڈنگ کیتی ڳئی ۔ انہاں آکھیے ڈسٹری بیوشن سیکٹر اچ ٻہوں خرابیاں ہن ، بجلی کمپنیاں اچ گورننس دے حوالے نال کوئی سمجھوتہ نہ کریسوں آندے ہفتے بجلی کمپنیاں دے نویں بورڈزآ ویسن۔
.jpg)
