عالمی برادری مقبوضہ جموں وکشمیر اچ انسانی حقوق دا تحفظ یقینی ٻݨاوے، صدر مملکت

اسلام آباد۔10دسمبر(اے پی پی)صدر مملکت ڈاکٹر عارف علوی اقوام متحدہ اتے عالمی برادری کوں آکھیے جو او بھارت دے غیر قانونی زیر قبضہ جموں وکشمیر اچ انسانی حقوق دے تحفظ کیتے کردار ادا کرے۔ انسانی حقوق دے عالمی ݙینھ سانقے اپݨے سنیہے اچ صدر آکھیا جو 10 دسمبر 1948 کوں اقوام متحدہ دی جنرل اسمبلی ولوں ݙتا ڳیا انسانی حقوق دا عالمی اعلامیہ ہک تاریخی دستاویز اے جیڑھا انہاں حقوق دی توثیق کریندے جیندا نسل، رنگ، مذہب، جنس، زبان، سیاسی یا ٻئے نظریات، قومی یا سماجی نسبت، جائیداد، پیدائش یا کہیں ٻئی ڄاہ توں ہٹ تے ہر انسان حقدار اے۔ صدر مملکت آکھیا جو ساکوں مقبوضہ جموں و کشمیر اچ اپݨے ٻھیݨ ٻھراواں کوں نئیں ٻھلݨا چاہیدا جیڑھے بھارت دے مظالم اتے ناانصافیاں دا شکار ہین، عالمی برادری مسئلہ کشمیر تے کردار ادا کرے جو کشمیری وی انسانی حقوق دے عالمی اعلامیہ اتے سلامتی کونسل دی قرارداداں دے مطابق اپݨے سٻھے حقوق ڳھن سڳن، انسانی حقوق دا عالمی اعلامیہ ہر کہیں کوں ہر کہیں دے حقوق دے تحفظ دا ضامن ٻݨیدے ایں سانڳے اڳو تے ودھݨا ہوسی۔

مضمون کا ماخذ : گرم گرم

متعلقہ مضامین