اسلام آباد۔22اگست (اے پی پی):وفاقی وزیر قومی صحت عبدالقادر پٹیل آکھیے جو پورے ملک دے 86 ضلعیں اچ اڄوکے سال دی تریجھی 5 ݙینھ وار دی قومی انسداد پولیو مہم اڄ توں شروع تھی ڳئی اے ، 43.3 ملین ٻالاں کوں پولیو توں بچاوݨ دے قطرے پلاوݨ دا ہدف مقرر کیتا ڳئے۔ وزارت صحت توں جاری بیان موجب وفاقی وزیر آکھیے جو اڄوکی انسدادپولیومہم جنوبی خیبرپختونخوا تے کراچی اچ 15 اگست توں جاری اے جݙاں جو بلوچستان اچ انسدادپولیو مہم 29 اگست توں شروع تھی ڳئی ، انہاں آکھیے جو وزیر اعظم پہلے ہی انسدادپولیو مہم دا آغاز کر چکن ۔ انہاں آکھیے اڄوکے سال انسدادپولیو مہم دے دوران 43.3 ملین ٻالاں کوں پولیو توں بچاوݨ دے قطرے پلاوݨ دا ہدف مقررکیتا ڳئے ۔ وفاقی وزیر آکھیے جو اسلام آباد اچ پولیو مہم دے دوران 3 لکھ 92 ہزار فرنٹ لائن ورکرز حصہ گھندے پئن۔ انہاں آکھیے وفاقی ،صوبائی حکومتاں تے ضلعی انتظامیہ مہم دی کامیابی کیتے کم کریندیاں پئن ۔انہاں آکھیے جو فرنٹ لائن ورکرز ساݙے قومی ہیرو ہن۔ انہاں آکھیے ایں موذی مرض کوں مکاوݨ کیتے حکومت سارے وسائل استعمال کریندی پئی اے۔ عبدالقادر پٹیل والدین توں اپیل کیتی جو سارے والدین مہم دی کامیابی اچ آپݨا چنڳاں کردار ادا کرن ، انہاں آکھیے ٹال فری صحت تحفظ ہیلپ لائن 1166 تے والدین دی رہنمائی کیتی ویندی پئی اے ۔
.jpg)
