پاڪستان ۾ ٻوڏ جي تباهه ڪارين باوجود حڪومت پوليو جي خاتمي لاءِ هر ممڪن ڪوشش جاري رکي آهي: عبدالقادر پٽيل

APP42-181022 ISLAMABAD: October18 - Federal Minister for National Health Services, Abdul Qadir Patel, at the Global Polio Eradication Initiative (GPEI) conference. APP/ABB

اسلام آباد -18 آڪٽوبر (اي پي پي) قومي صحت بابت وفاقي وزير عبدالقادر پٽيل چيو آهي، ته پاڪستان ۾ ٻوڏ جي تباهه ڪارين باوجود حڪومت پوليو جي خاتمي لاءِ هر ممڪن ڪوشش جاري رکي آهي. اهڙن خيالن جو اظهار هن برلن ۾ ٿيل ورلڊ هيلٿ سمٽ ۾ پوليو ڪانفرنس کي خطاب ڪندي ڪيو. هن چيو ته 27 کان وڌيڪ پوليو ورڪرز پاڪستان کي پوليو کان پاڪ ڪرڻ لاءِ پنهنجي جانين جو نذرانو پيش ڪري چڪا آهن. هن چيو ته پاڪ فوج خطرناڪ علائقن ۾ پوليو ورڪرز جي سيڪيورٽي ۾ ڀرپور مدد ڪري رهي آهي جيڪا تعريف جوڳي آهي. هن چيو ته جامعه الازهر يونيورسٽي جي شيخ العرب جي مفتي پروفيسر ڊاڪٽر طيب جي فتويٰ پاڪستان ۽ مسلم دنيا لاءِ پيغام آهي ته ٻارن کان صحت جو حق کسڻ اسلام جي تعليم جي ابتڙ آهي. عبدالقادر پٽيل چيو ته اسان پوليو جي خاتمي جي بلڪل ويجهو آهيون، دنيا پاڪستان سان بيٺل آهي. هن چيو ته پاڪستان پوليو جي خاتمي لاءِ اثرائتن قدمن کي يقيني بڻائي رهيو آهي. ان موقعي تي جرمن اڪنامڪ وزير سونجا شولز چيو ته جرمني گلوبل پوليو جي خاتمي لاءِ 23 ملين يورو جو اعلان ڪيو. سعودي عرب گلوبل پوليو جي خاتمي لاءِ هڪ ڪروڙ ڊالرن جو اعلان ڪيو آهي. بل گيٽس دنيا ۾ گلوبل پوليو جي خاتمي لاءِ 1.2 بلين ڊالرن جو اعلان ڪيو آهي. آسٽريليا 43.55 ملين ڊالرن، فرانس 50 ملين يورو، ڪوريا 3.2 ملين ڊالرن، سي اي او گاوي چيو ته پوليو ورڪرز پاڪسان جا اصلي هيرو آهن. روشيل ويلنسڪي ڊائريڪٽر سي ڊي سي آمريڪا چيو ته پوليو جي تازه ڪيس جيڪي اسرائيل ۽ لنڊن ۾ نظر آيا آهن اهي دنيا کي ٻيهر پوليو جي خطري سان ملي مقابلو ڪرڻ لاءِ گڏ ڪرڻ لاءِ ڪافي آهن. پاڪستاني وفد ۾ پاڪستاني سفير ڊاڪٽر فيصل، پوليو جي نيشنل پروگرام مئنيجر ۽ ميجر جنرل عامر اڪرام موجود هئا.

مضمون کا ماخذ : آن لائن لاٹری کے انعامات

متعلقہ مضامین