راولپنڈی ۔5ستمبر(اے پی پی) پاک فوج دے ترجمان لیفٹیننٹ جنرل احمد شریف آکھیے فوج دا کوئی سیاسی ایجنڈا کاعنی تے نہ ہی کہیں سیاسی جماعت دی طرفدار یا مخالف اے، فوج دا ہر ??کو??ت نال پیشہ ورانہ تعلق ہوندے جیڑھا آئین تے قانون اچ مناسب طور تے بیان کیتا ڳئے، فیض حمید کیس ایں ڳالھ دا ثبوت اے جو پاک فوج ذاتی تے سیاسی مفادات سانڳے کیتیاں ڳیاں خلاف ورزیاں کوں کیویں سنجیدہ گھندی اے ، فیض حمید کیس اچ جیڑھا وی ملوث ہوسی ، کوئی وی عہدہ یا حیثیت ہووے ایندے خلاف کاروائی تھیسی ، دہشتگرداں اتے سہولت کاراں دے خلاف 32 ہزار 173 انٹیلی جنس بیسڈ آپریشن کیتے ڳئن ۔ پریس کانفرنس توں خطاب کریندے ڈی جی آئی ایس پی آر ساریں توں پہلے فتنہ الخوارج اتے بلوچستان اچ دہشت گرداں دے خلاف کیتیاں ڳیاں کارروائیاں دا جائزہ پیش کریندے ݙسائے دہشت گرداں تے سہولت کاراں دے خلاف اڄوکے سال 32 ہزار 173 آپریشنز کیتن ۔انھا?? آپریشنز اچ 90 خوارج کوں واصل جہنم کیتا ڳئے ، دہشت گردی دے ناسور نال نبݨݨ سانڳے روزانہ دی بنیاد تے 130 توں ودھ آپریشن کیتے ویندے پئن ۔ انھا?? آپریشنز اچ 193 افسراں تے نینگراں جام شہادت نوش کیتے، قوم شہدا کوں خراج عقیدت پیش کریندی اے ، چھیکڑی خارجی اتے دہشت گرد مکاوݨ سانڳے جنگ جاری رہسی ۔ میجر جنرل احمد شریف چوہدری آکھیے 20 اگست توں وادی تیراہ اچ فتنہ الخوارج، نام نہاد کالعدم تنظیم لشکر اسلام اتے جماعت الحرار دے خلاف کامیاب آپریشن کیتا ڳیا ، کامیاب آپریشن دے نتیجے اچ فتنہ الخوارج کوں وݙا دھچکا لڳے ، کارروائیاں اچ انتہائی مطلوب خارجی ابوذر المعروف صدام سودھے 37 خوارج کوں جہنم واصل کیتا ڳئے جݙاں جو 14 دہشت گر?? زخمی تھئن، ایں دوران ساݙے 4 بہادر نینگر شہید تھئن ۔ 25 اتے 26 اگست دی رات دہشت گرداں بلوچستان اچ کارروائیاں کیتیاں، اے کارروائیاں اندرلے، ٻاہرلے ملک دہشت گرداں دی ایما تے کیتیاں ڳئن ، انھاں دا مقصد نشوم تے بے گناہ لوکاں کوں نشانہ بݨا تے بلوچستان دے پرامن ماحول اتے ترقی کوں متاثر کرݨ ہئی ، فورسز جوابی کارروائی کریندے 21 دہشت گرداں کوں جہنم واصل کیتا، ایں دوران 14 جوان شہید تھئے۔انہاں آکھیے اساکوں پتہ اے جو بلوچستان دے عوام اچ احساس محرومی اتے ریاستی جبر دا تاثر وی پاتا ویندے ، جیں کوں ٻاہرلی ایما تے مخصوص عناصر منفی مقاصد سانڳے استعمال کریندن ، اوایں کوں ایں سانڳے اسپلائٹ کریندن تاں جو بلوچستان اچ ترقی اتے عوامی فلاح و بہبود دا جاری عمل ݙر دے ذریعے متاثر کیتا ونڄ سڳے، جݙاں دہشت گرداں دے خلاف کارروائیاں تھیسن جݙاں ترقی نہ تھیسی تاں ایں توں احساس محرومی تے ریاستی در اندازی دا بیانیہ مزید ودھ ویسی، دہشت گرداں دے سر پرست ریاست تے مزید الزام لیسن تے ݙراکلے عمل کوں جاری رکھ سڳسن ، 25، 26 اگست دی رات تھیوݨ آلے واقعات ایں ٻاہرلی فنڈنگ تے چلݨ آلے کھیݙ دا حصہ ہن ، انھاں آکھیے اے کرݨ آلے ، کراوݨ آلیں دا انسانیت اتے بلوچ اقدارنال کوئی تعلق کائنی ، نہتے شہریاں کوں ظلم دا نشانہ بݨاوݨ تے ایں تے ماݨ انھاں دی ذہنیت تے مایوسی کوں ظاہر کریندے ، دہشت گرداں کوں واضح پیغام ݙیوݨ چاہنداں جو شہریاں دے جان و مان تے ترقی دے دشمناں نال ریاست اوکھے ہتھاں نال نبݨسی ۔ پاک فوج خود احتسابی دے عمل تے یقین رکھیندی اے ، ایندا خود احتسابی دا نظام ٻہوں جامع اتے تکڑا عمل جیڑھا ٹائم ٹیسٹڈ اے، اے الزام دے بجائے، پکے ثبوتاں دی بنیاد تے کم کریندے ، جݙاں وی فوج اچ بݨیے قانون تے ضابطیں دی خلاف ورزی تھیندی اے تاں اے خود کار نظام حرکت اچ آندے ،12 اگست کو?? آئی ایس پی آر توں جاری اعلامیہ اچ لیفٹیننٹ جنرل (ر) فیض حمید دے خلاف کورٹ مارشل دی کارروائی دے حوالے نال ݙسایا ڳیا ہئی ، ریٹائرڈ افسر دے خلاف ٹاپ سٹی کیس اچ باضابطہ طورتے درخواست ملی، اپریل 2024 اچ پاک فوج دی طرفوں اعلیٰ سطح دی کورٹ آف انکوائری دا حکم ݙتا ڳیا ، تاں جو مکمل تحقیقات کیتیاں ونڄ سڳن ، پکے ثبوت تے مبنی تفصیلی انکوائی مکم?? تھیوݨ دے بعد 12 اگست 2024 کوں پاکستان آرمی باضابطہ طور تے ݙسایا جو متعلقہ ریٹائرڈ افسر پاکستان آرمی ایکٹ دی دفعات دیاں خلاف ورزیاں کیتن ، ریٹائرمنٹ دے بعد انھاں دی طرفوں متعلقہ قوانین دیاں خلاف ورزیاں دے ٻہوں واقعات وی سامݨے آئے، انھاں بنیاداں تے فیلڈ مارشل کارروائیاں دا آغاز کرݙتا ڳئے ، انھاں آکھیے اے سمجھݨ لروری اے جو پاکستان آرمی قومی فوج اے، ایندا کوئی سیاسی ایجنڈا کائنی، نہ اے کہیں سیاسی جماعت دی مخالف اے، نہ طرفدار، فوج دا ہر ??کو??ت نال پیشہ ورانہ تعلق ہوندے جیڑھا آئین تے قانون اچ مناسب طور تے بیان کیتا ڳئے۔ ڈی جی آئی ایس پی آر آکھیے جے فوج اچ کوئی بندہ آپݨے ذاتی مفادات گھنݨ سانڳے کم کریندے یا آپݨے ذاتی فیدے سانڳے کہیں مخصوص سیاسی ایجنڈے کوں پروان چڑھیندے تاں پاک فوج دا خود احتسابی دا نظام حرکت اچ آندے ، ثبوتاں دی روشنی اچ ذمے واراں کوں انھاں دے اعمال دا جواب ݙیوݨا پوندے ، جاری عمل ایں ڳالھ دی ھک بئی دلیل اے ، پاک فوج اچ واضح اتفاق رائے اے جو فوج کوں بحیثیت ریاستی ادارہ کہیں وی سیاسی مفاد دی تکمیل دے طور تے استعمال توں محفوظ رکھیا ویسی ، متعلقہ افسراں کوں قانون دے تحت مرضی دا وکیل کرݨ، اپیل سودھے ٻئے حقوق حاصل ہوسن ، فیض حمید کیس ایں ڳالھ دا منہ ٻولیندا ثبوت اے جو پاک فوج ذاتی اتے سیاسی مفادات سانڳے کیتیاں ڳیاں خلاف ورزیاں کوں کیویں سنجیدگی نال گھندی اے تے بلا تفریق قانون دے مطابق کارروائی کریندی اے انھاں آکھیے ایہو جیہاں بلا تفریق خود احتسابی باقی اداریں کوں وی ترغیب ݙیندی اے جے ذاتی یا سیاسی مقصد سانڳے کوئی آپݨا منصب استعمال کریندے تاں ایں توں وی جواب گھنو، ریاستی اداریں تے عوامی اعتماد ہی انھاں دا بہترین سرمایہ اے۔انھاں آکھیے انسداد دہشت گردی دے خلاف پاکستان دی جنگ ھک منظور شدہ تے مربوط حکمت عملی دے تحت لڑی ویندی پئی اے مختلف سیاسی جماعتاں، سٹیک ہولڈرز اتے ساریاں ??کو??تاں ایں حکمت عملی کوں بݨائے ۔ اے نیشنل ایکشن پلان اتے ریوائزڈ نیشنل ایکشن پلان اتے ہݨ عزم استحکام دے ناں تں ھک دستاویزی شکل وچ موجود اے ، ایندے اندر جیڑھا افواج پاکستان، قانون نافذ کرݨ آلے اداریں دے کم ہن او وی ھک مربوط حکمت عملی دےتحت کیتے ویندے پئن ، ایندے چار مرحلے ہن کلیئر، ہولڈ، بلڈ اتے ٹرانسفر تاں جو دہشتگردی ودھدی پئی اے اساکوں سمجھݨا ہوسی جو کیا تھیندا پئے ، ایں حکمت عملی دے تحت جیڑھا قانون نافذ کرݨ آلے ادریں تے فوج کم کرݨا اے جو دہشگرداں کوں علاقیں توں ختم کرݨ تے انھاں کوں عارضی طور تے ہولڈ کرݨ تاں جو اتھاں باقی عہدیداران ہن ، انتظامیہ اے اتھاں ایں سانڳے سازگار ماحول ݙیوݨا اے تاں جیندے اچ آتے او سماجی اتے معاشی منصوبے لاوے تے ول ایں علاقے کوں مکمل طور تے آپݨے اختیار اچ گھنے ۔ ڈی جی آئی ایس پی آر آکھیے ایندے اچ جیڑھے قانون نافذ کرݨ آلے ادارے تے فوج اے اوں ݙو ݙھاکیں توں ودھ دہشتگردی دی جنگ لڑی اے ایندے اچ 46 ہزار مربع کلومیٹر توں ودھ علاقے کوں دہشتگرداں توں کلیئر کیتے۔ایں سانڳے اساں ہمیشہ آکھدے آئیوں جو پاکستان اچ کوئی عملاً ایجھا علاقہ کائنی جتھاں دہشتگرداں دی اجارہ داری ہووے، تاں جو کلیئر اتے ہولڈ دے مرحلے ہن او مکم?? تھی چکن ، انٹیلی جنس بیسڈ چھوٹے وݙے سارے آپریشنز جیڑھے قانون نافذ کرݨ آلے اداریں جیں اچ پولیس، انٹیلی جنس ایجنسیاں وی شا??ل ہن اے اینکوں مزید تکڑا کرݨ سانڳے کیتے ویندن ، ہݨ جیڑھا بلڈ تے ٹرانسفر دا کم اے ایندے اچ سارے اسٹیک ہولڈرز دا اے عزم اے جو ایں کوں مکم?? تھیوݨ دی لوڑھ اے ایندے جیڑھی ذمہ واری اے او لوکل گورنمنٹ اتے صوبائی ??کو??ت دی اے کیوں جو ایندے اچ انھاں صحت تعلیم روزگار دے سماجی منصوبے گھن آوݨے ہن تاں جو عوام کوں ھک روز مرہ دی زندگی اچ مصروف کیتا ونڄے ۔ڈی جی آئی ایس پی آر آکھیے پاکستان فوج ودھ چڑھ تے صوبائی ??کو??ت اتے لوکل گورنمنٹ دی اعانت کریندی اے ۔ پاکستان فوج ودھ چڑھ تے وفاقی، صوبائی ??کو??ت اتے لوکل گورنمنٹ دی اعانت کریندی تے صحت دے تعلیم دے روزگار دے ترقی دے ٻہوں سارے منصوبے خیبرپختونخوا، بلوچستان اچ پاک فوج دے یونٹس اتے فارمیشن ہن او اے کم کریندن ۔ اگست 2021 دے بعد توں فتنہ الخوارج اتے دہشتگرد جیڑھے ہن انھاں دی سہولت کاری ودھ چکی اے جݙاں افغانستان اچ تبدیلی آئی اے، اے سہولت کاری بھاویں ٹریننگ کیمپس دی شکل اچ ہووے یا نقل و حمل دی مدد ݙیوݨ دی صورت اچ یا یہ افغان شہریاں دی خود فتنہ الخوارج اچ رلݨ دی شکل اچ ہووے بھاویں خود کش بمباراں، یا چھوڑے ہوئے امریکی اسلحے دی جدید فراہمی دی شکل اچ ہووے اے ودھ چکی اے ، ایں سلسلے اچ ??کو??ت پاکستان افغان عبوری ??کو??ت نال رابطے وچ ہے تے افغانستان ساݙا بھرا اسلامی ملک اے اتے پاکستان ہمیشہ ودھ چڑھ تے ساتھ ݙتے تے اساں چاہندوں پاکستان تے خوارجین تے قطعاً فوقیت نہ ݙیوےاو خوارجی جنھاں دا نہ کوئی دین اسلام توں تعلق اے اتے نہ کوئی انسانیت نال تعلق اے تے نہ انھاں دا کوئی قبائلی اقدار توں تعلق اے۔??کو??ت پاکستان اتے افغانستان وچال ٻہوں ساریاں چیزاں تے چنڳے تعلقات ہن تے جیڑھے لوک اے سمجھدن جو انھاں ݙو بھرا اسلامی ملکاں اچ غلط فہمیاں کھنڈا تے رولا پاؤں اساں انھاں کوں ایہو آکھسوں جو او خیالی دنیا وچ رہندن ۔فوج ہوندی اے او دہشت گرد نال لڑدی اے تے قوم دہشت گردی نال لڑدی اے ، ایں سانڳے ??کو??ت عزم استحکام دے ناں توں ریوائز نیشنل ایکشن پلان دی نویں شکل سارے اسٹیک ہولڈرز دے رلے ٻہہ تے پیش کیتی ایندا مقصد دہشتگردی کوں منڈھوں مکاوݨ سانڳے اقدامات ہن او چاتے ونڄن جیں اچ ذمہ واری باقی اسٹیک ہولڈرز دی اے انھاں اچ ترائے اہم اقدامات ہن ، پاکستان دے فوجداری قانون کوں تکڑا کیتا ونڄے ، دہشگراں تے جرائم پیشہ مافیاز دے ڳٹھ جوڑ کوں تروڑیا ونڄے تے تریجھا پوری قوم ھک زبان تھی تے دہشتگردی اتے شدت پسندی دے خلاف ھک بیانیے تے کھڑی تھیوے ایندے اچ باقی اسٹیک ہولڈرز دی ذمہ واری اے اساں انھاں دی ہمیشہ وانڳوں بھرپور معاونت کریندے رہسوں۔ فیض حمید اتے انھاں دے کورٹ مارشل دی کارروائی اڳوں ودھݨ اچ پی ٹی آئی دی طرفوں خدشات متعلق سوال تے ڈی جی آئی ایس پی آر آکھیے اے ھک زیر سماعت معاملہ اے تے تساڈا سوال مفروضیں تے مبنی اے لیکن میں تساکوں اے ضرور آکھساں جو فوجی قانون موجب کوئی وی بندہ ، جے کہیں بندے یا لوکاں کوں جیڑھا آرمی ایکٹ دے تابع ہووے، انھاں کوں ذاتی یا سیاسی مقصد سانڳے استعمال کرے اتے ایندے ثبوت اتے شواہد موجود ہوون تاں قانون اپݨا رستہ خود بݨا گھنسی
